මෙය නිර්මාණය කරන ලද්දේ Frédéric Auguste Bartholdi නම් වූ ප්‍රංශ ජාතික මූර්ති ශිල්පියාය. ඇමෙරිකානු සහ ප්‍රංශ ජනතාවගේ ඒකාබද්ධ ව්‍යායාමයක් ලෙස නිමවුන ලිබර්ටි ප්‍රතිමාවේ පාදස්තලය ( Pedestal ) සෑදීමේ වගකීම ඇමෙරිකාවට පැවරුන අතර ප්‍රතිමාව නිර්මාණය කිරීම ප්‍රංශයට පැවරුනි. ප්‍රතිමාව ප්‍රංශයේදි කොටස් වශයෙන් නිපදවා ඇමෙරිකාවේදී එකලස් කිරීමට තීරණය කෙරිනි.
මේ සදහා අවශ්‍ය මූල්‍ය ප්‍රතිපාදන සොයා ගැනීමට දෙරටටම මහත් වෙහෙසක් දැරීමට සිදුවුන අතර ඒසදහා ලොතරැයි දිනුම් ඇදීම, කලා ප්‍රදර්ශන පැවැත්වීම, භාණ්ඩ වෙන්දේසිය ආදිය සිදුකෙරිනි.
මේ අතර Bartholdi මහතාට ප්‍රතිමාව නිමකිරීමේ කටයුතු වලට සුප්‍රකට ප්‍රංශයේ අයිෆල් කුලුනේ නිර්මාණකරුවූ Gustave Eiffel මහතාගේ සහයද හිමිවිය.
1884 ජූලි මාසය වන විට ප්‍රතිමාව ප්‍රංශයේදී සාදා නිම කරන ලද අතර කොටස් 350කට පමන වෙන්කොට ලෑලි ඇසුරුම් පෙට්ටි 214 ක බහා නැව් මාර්ගයෙන් 1885 ජූලි මාසයේ දී නිව්යෝක් නගරයට ගෙන එන ලදි. 1886 අප්‍රේල් වන විට පාදම කොටසද සාදා නිම කෙරුන අතර ඒ මත ප්‍රතිමාව එකලස් කිරීම ඇරඹුනි. 1886 ඔක්තෝබර් 28 දින මහත් උත්සවශ්‍රීයෙන් ලිබර්ටි ප්‍රතිමාව විවෘත කිරිනි.
ලිබර්ටි ප්‍රතිමාව පොලොවේ සිට මුදුනත ගිනිසිලුව දක්වා සම්පූරණ උස අඩි 305 අගල් 1ක් (මීටර 93) පමන වන අතර අභ්‍යන්තර සැකිල්ල ලෝහයෙන් සාදා ප්‍රතිමාව 2.5 මිලිමීටර පමන ගනකම කොපර් (Copper) ලෝහයෙන් නිමවා ඇත. ( ලිබර්ටි ප්‍රතිමාව කොල පැහැයක් ගන්නේ මෙම කොපර් ලෝහය නිසාය.)
මෙම ප්‍රතිමාවෙන් රෝම දෙවඟනක්වන Libertas හෙවත් නිදහසේ දෙවගන (Goddess of Liberty) නිරුපනය වන බව සැලකෙන අතර දකුණු අත රැදි ගිනි සිලුවෙන් අවබෝධයත් ( Enlightment ) වම් අත රැදි පොතෙහි (Tablet) ඇමරිකාවේ නිදහස් කෙටුම්පත සකස්කල දිනය වූ 1776 ජූලි 4 දින කොටා තිබෙන අතර, පාදයේ ඇති බිද දම් වැල මගින් කෲර පාලනයෙන් සහ වහල් බවින් මිදීම සංකේතවත් වන බව පැවසේ.
0 comments:
Post a Comment